Lieve mèenschen van God,

 

hebt jullie wal ies heurd van GBH? Ja, GBH.

Nee, ik bedoel niet GHB. GHB is een gevaorlijke partydrug,

die zie stiekem deur draankies mengt um de wichter makkelijk in bedde te kriegen.

Net aansum dus: GBH. Het is een soort van virus waor veul volk last van hef.

Een virus dat der alles an döt um je rond um de kop baos te worden, 

en dat, ás hum dat lukt, hiel veul kapot mak: hiel het leven en samenleven.

IJ wilt vast wal weten wat het betiekent, GBH.

Non, GBH betiekent: Gien Bosschup Hebben.

Gien bosschup hebben an de ellende van aander mèenschen.

Gien bosschup hebben, veural an de nood van vrömd volk.

Dat möt zukzölf maor redden bij lu die lied an GBH.